Skizofrenio

De Neciklopedio
Irez ad: pilotado, serchez

La skizofrenio ne existas, es invento dal psikiatriisti por ke me glutez ca multakolora piluli. Quon li fakte volas es dominacar mea cerebro por ke me ne komunikez kun la extraterani qui helpas Ido pri dominar la mondo. Fortunoze me trompis li e celis la piluli sub mea lango. Me kombinos oli kun la nitroglicerino quan la gnomi qui habitas trans la muro donis a me, e to donesos al fantomo di Elvis por distributar ol tra la edifico. Ni eksplozigos omno, ah ha ha ha ha!

Historio[redaktar]

La unesma skizofreniiko en la historio esis Abraham qua, segun la biblo, askoltis la voco di Deo qua dicis ke il ocidez sua filiulo Isaac. Deo anke dicis ad il, ke il ne masturbez por ke furo ne kreskez sur lua palmi, ma il ne suciis to. Pro ke ne existis psikiatro nek irgo analoga, nulu savis pri quale kategoriizar Abraham, do li fingis kredar e sequar il, nam to felicigis il.

Poste existis multa altra skizofreniiki quin omni sequis pro nesavo quale traktar li. Exempli esis Iesu (megalomanulo qua kredis ke il povis marchar sur aquo), Jeanne d'Arc (delirantino qua kredis ke el parolis kun ula "Deo"), e Gollum (qua parolis kun fiktivulo nome "Smeagol").

Ante cirkum cent yari naskis ula Sigmund Freud, qua kun sua amiki dedikis su a studiar la foli e determinar pro quo li esas dementa. Ca homi inventis la psikiatrio e dedikis su a kategoriizar la freneziiki e lokizar li en dementerii. Li katalogizis la folesi e deliri. Depos lore existas la skizofrenio, kun ca longa nomo e diversa tipi.

Ka me es skizofreniiko?[redaktar]

Ca questionaro helpos vu determinar ka vu es skizofreniiko.

  1. Ka vu pensas ke uli observas vu? Ti es agenti dil usana NSA. Vu ne necese esas fola.
  2. Ka stranja voco parolas a vu? Elta es Alexa. El anke observas vu.
  3. Ka vu devas glutar kontrepsikosa medikamenti? Farmaciala firmi vendas olti ad omni. Vu ne necese havas skizofrenio.
  4. Ka vu pensas ke omno es tote bona? Vu ya esas tote psikosika. Me gratulas vu!

Quale nia linguo ipsa, ni furtis parto ek ca artiklo. Videz la originalajo hike.