Historio di Ido

Irga inquestanto serchanta informo pri l'internacionala linguo Esperanto ofte trovos aludi a linguala projeto nomata Ido, di qua la tre mikra suportantaro asertas ke ol esas revizita o plubonigita versiono de Esperanto.

Esas sate facile demonstrar ke Ido ne esas plubonigo di Esperanto. L'exempli prizentata dal suportanti di Ido (Idisti) esas neprofunda, simple provanta demonstrar to ke la vortaro di Ido esas, ye unesma vido, plu familiara por persono qua konacas la Latinatra lingui, ma plusa exploro indikas ke Ido esas min facile lernar ed uzar. Rezultate poki, qui atraktesos a la sistemo, restos Idisti longe.

Ma l'Idisti havas altra defenso: li dicos ke autoritatoza, ta-skope nominata komitato de ciencisti (kelkafoye li mem dicas linguisti) inquestabis pri Esperanto e decidis, ke Esperanto korektigesez, ed Ido esis la rezultato di ca korektigi. Quankam on longe konacis ca rakonto kom falsa, on nulatempe dicis ol en Ido. Do ni rektigez ol: Ido ne esas plubonigo di Esperanto ma antiqueskinta plajiuro introduktita da fraudanto. Lua deklino eventis ne pro l'interveno di Esperantisti ma pro lua propra nesufico.